أهلاً فيك ب Blink!

Blink بنك رقمي بقدم لك خدمات مصرفية من خلال تطبيق بنكي على الهاتف الذكي، بدون أي تواجد فعلي أو فروع. كل التعامل معه من خلال التطبيق والتعامل مع أشخاص محدود بفريق التواصل فقط من داخل التطبيق (دردشة أو اتصال) أو من خلال الاتصال على 065200100 من خارج التطبيق.

حمّل تطبيق Blink من متجرApp Store أوGoogle Play لتلاقي التطبيق أكتب “The Blink" داخل شريط البحث.

بعد ما تحمّل تطبيق Blink، أول شاشة بتواجهك هي شاشة تسجيل الدخول (login). اسحب الشاشة للأعلى لتنضم لأسرتنا وسجل حسابك باستخدام بريدك الالكتروني. اتبع خطوات بسيطة لتستكمل فتح الحساب. البنك متوفر اليوم للأردنيين فقط بس قريباً بكون متوفر لغير الأردنيين. لا تسمح لأي شخص يسجّل حسابك لأنه بالآخر هادا حساب بنكي حقيقي ومعلوماتك الشخصية مش مفروض تشاركها مع أي شخص مهما كان لأنه بإمكانه يستخدم حسابك. واحنا ما رح نطلب منك تزويدنا بأي معلومات سرية عن حسابك ككلمة السر او أي كود منبعته لموبايلك. وضروري إدخال معلومات دقيقة عند فتح الحساب.

فقط هوية أحوال مدنية أردنية سارية المفعول. خطوات فتح الحساب سهلة بتضمن إدخال بريد الكتروني ورقم موبايل وإنشاء كلمة السر وإدخال الرمز التأكيدي ومسح هوية الأحوال المدنية وأخذ صورة حية على الموبايل وتزويد بعض المعلومات الشخصية ومعلومات العمل.

حوالي 15 دقيقة وحسب الحالة.

اليومBlink متاح للأردنيين فقط حملة هوية الأحوال المدنية. Blink غير متوفر حالياً لأبناء الأردنيات والعسكريين وحملة الهويات المؤقتة لكن خلال أشهر رح يتوفر لكل الأردنيين وبعد هيك لغير الأردنيين أيضاّ.

- أول ما تفتح حسابك منصدّر لك بطاقة الدفع المباشر فوراً.

- البطاقة افتراضية لتتمكن من استخدامها فوراً بالمشتريات أونلاين لكن طبعاً لازم إيداع المال بالحساب لأنه البطاقة مربوطة بالحساب.

- ما في أي رسوم مقابل إصدار البطاقة.

- اضغط على البطاقة داخل التطبيق لتقلبها وتحصل على كل تفاصيلها للشراء فيها أونلاين.

بعد فتح الحساب فوراً منصدر لك بطاقة الدفع المباشر الصفراء ومنطلب منك إدخال الرقم السري عند اصدار البطاقة (رقم من 4 خانات) وتأكيد الرقم. في حال إيقاف البطاقة بسبب إدخال الرقم السري الخاطئ أكتر من مرة أو نسيت الرقم السري ممكن تتواصل معنا ومنصدر رقم سري ومنرسله برسالة قصيرة على رقم الموبايل المسجل على الحساب. ممكن بأي وقت تغيير الرقم السري من صرافات البنوك المحلية باستثناء صرافات كابيتال بنك بشكل مؤقت لحد تفعيل خدمة فك وتغيير الرقم السري على التطبيق من إعدادات البطاقة قريباً. ما تشارك رقمك السري مع أي شخص. وهاد الرقم هو للبطاقة الصفراء فقط ولتعرف الرقم السري للبطاقة الائتمانية الحمراء تابع الأسئلة القادمة.

قريباً رح نفعّل خدمة طلب البطاقة الملموسة من داخل التطبيق، لكن بالوقت الحالي بإمكانك الاتصال على 065200100 والضغط على رقم 5 لاختيار طلب البطاقة وبعد هيك رقم 1 لتأكيد الطلب ورح نطبع البطاقة فوراً ونوصّلها لباب بيتك مجاناً.

رح يتواصلوا معك شركة أرامكس لتوصيل البطاقة.

ممكن استخدام البطاقة للمشتريات أونلاين وممكن السحب والإيداع من الحساب على صرافات كابيتال بنك مجاناً وبدون بطاقة وممكن تحويل المال على الحساب من البنوك الأخرى. فالبطاقة الملموسة أصبحت اختيارية حسب حاجتك، وجاهزين نطبعها ونوصلها حسب الرغبة.

ما تنسى تأكد استلامك للبطاقة داخل التطبيق لأنه البطاقة أول ما نصدرها بكون سقف المدفوعات اللاتلامسية (contactless) غير مفعل حتى نستبعد أي سوء استخدام للبطاقة قبل ما توصل لإيدك. وبعد التأكيد على الاستلام السقف برتفع ل 150 دينار يومياً للمدفوعات اللاتلامسية بدون الرقم السري، يعني أي حركات فوق السقف بتطلب الرقم السري أو إدخال البطاقة في جهاز نقاط البيع.

صحيح اننا بنك مختلف، بس منضل بنك وخاضع لتعليمات البنك المركزي الأردني. ولأننا بنك رقمي بالكامل استثمرنا بأحدث التكنولوجيا ومنأكّد امتثالنا بكل المعايير العالمية الخاصة بالأمن السيبراني وحماية البيانات. فحصنا تطبيق Blink كتير لنتأكد أنه آمن ومتين. منستخدم التوثيق الثنائي لنتحقق من هويتك وإذا عنّا أي شك، أكيد منتواصل معك.

بحياتنا ما منطلب منك تزودنا بكلمة السر الخاصة فيك او الكود المرسل على موبايلك على أي قناة أو بأي شكل وما منستخدم البريد الالكتروني كطريقة لنطلب منك أي شي. البريد الالكتروني فقط وسيلة لنتواصل معك ونزودك بأخبار أو معلومات. منرسل لك الإشعارات باستخدام الرسائل النصية فقط وما منطلب منك أي معلومات من خلالها.

بإمكانك التحدث مع فريق التواصل بأي وقت من داخل التطبيق (وهيك منتأكد من توثيق هويتك من خلال الدخول على التطبيق). وفي حال استخدمت الرقم 065200100 للتحدث مع فريق التواصل بيلزم الإجابة على بعض الأسئلة لنتحقق من هويتك ونتمكّن من خدمتك.

استخدم Blink وانت متطمّن!

بياناتك محمية! منحتفظ فيها بآلية بتضمن أعلى مستويات الأمان ومتوافقة مع المعايير العالمية لحماية البيانات. منأكد امتثالنا بكل التعليمات الخاصة بالسرية المصرفية.

منحب نعطيك بعض النصائح لتحافظ على سلامة حسابك:

1.

طبقنا التوثيق الثنائي للتسجيل في Blink. استخدم البريد الالكتروني وكلمة السر للدخول على حسابك أو فعّل الدخول البايوميتري لتستخدم بصمة الأصبع أو الوجه للدخول.

2.

مع كل حركة شراء أونلاين رح يوصلك رمز سري (كود) عبر رسالية نصية. أغلب المواقع الالكترونية بتطلب رمز سري، لكن ببعض الأحيان غير مطلوب.

3.

المدفوعات اللاتلامسية باستخدام بطاقاتBlink بدون رقم سري بتكون بسقف للحركة 55 دينار وبسقف يومي 150 دينار. اذا تجاوزت السقف، مطلوب منك إدخال الرقم السري على جهاز التاجر.

4.

منرسل لك الإشعارات باستخدام الرسائل النصية وما منطلب منك أي معلومات من خلالها. بإمكانك بأي وقت التحدث مع فريق التواصل من داخل التطبيق.

5.

لا تشارك بريدك الالكتروني وكلمة السر او أي رمز سري (كود) مع أي شخص آخر.

6.

احتفظ ببطاقاتك بمكان آمن وما تشارك معلومات البطاقة مع اي شخص لأنه بإمكانه استخدامها أونلاين فوراً.

7.

بحياتنا ما منطلب منك تزويدنا بكلمة السر الخاصة فيك على أي قناة أو بأي شكل.

8.

ما منستخدم البريد الالكتروني كطريقة لنطلب منك أي شي. البريد الالكتروني فقط وسيلة لنتواصل معك ونزودك بأخبار أو معلومات.

9.

بإمكانك التحدث مع فريق التواصل بأي وقت من داخل التطبيق. وفي حال استخدمت الرقم 065200100 للتتحدث مع فريق التواصل بيلزم الإجابة عن بعض الأسئلة لنتحقق من هويتك.

البطاقة الائتمانية (الحمراء) هي عبارة عن نوع من أنواع التسهيلات البنكية اللي بطبيعتها دوارة. دوارة يعني كل ما استغليتها وسديت المبلغ المستغل برجع متاح للاستغلال مرة أخرى وبشكل دائم. البطاقة مش قرض بجدول سداد وأقساط محددة وما بنزل المبلغ عليها أو على الحساب للاستغلال والسداد بشكل شهري، البطاقة سقفها بمثل الحد الأقصى الممكن استغلاله والمبلغ المطلوب تسديده بعتمد على الاستغلال (تفاصيل السداد في الاسئلة التالية).

ضروري جداً التأكيد أن البطاقة هي تسهيلات بنكية والعميل ملزم قانونياً أنه يسددها للبنك وفي حال عدم التسديد ببين في تقريره الائتماني عند كل البنوك والبنك المركزي وسيتم مسائلته قانونياً.

لا، البطاقة مجانية وما في أي عمولات إصدار. البنك ما عنده أي مندوبين مبيعات وفي حال كان في بشكل مؤقت مندوبين للمساعدة في فتح الحسابات وإصدار البطاقات ما بكون في أي مبلغ أو عمولة مقابل المساعدة.

اطلب البطاقة من التطبيق. أول خطوة هي تأكيد موافقة العميل على الشروط والأحكام الخاصة بالبطاقة. اقرأها بتمعن وافهم التزاماتك تجاه البنك. التأكيد بشمل تفويض البنك بالاستعلام عن العميل بواسطة شركة كريف وهي الشركة الوحيدة المرخصة للحصول على كل معلومات العملاء الائتمانية من كل البنوك والمؤسسات المالية العاملة في المملكة.

بعد تأكيد الشروط والأحكام والموافقة على التفويض بالاستعلام الائتماني، مندرس الطلب خلال ثواني آلياً وفي حال الموافقة رح يبين السقف الموافق عليه على الشاشة (بين 200 و1,000 دينار) مع إمكانية اختيار الحصول على السقف كامل أو جزء منه. الموافقة مش تلقائية وما بيحصلوا كل العملاء على 1,000 دينار لأنه كل حالة بتندرس على حدى.

بعد اختيار السقف، اختار نسبة السداد (الخيارات 5% أو 25% أو 50% أو 100%). نسبة السداد بتحدد دفعتك الشهرية ومربوطة بالمبلغ المستغل من السقف. بإمكانك مثلاً بعد نهاية كل شهر تسدد كامل المبلغ المستغل آلياً إذا اخترت نسبة السداد 100% (تفاصيل آلية التسديد بالأسئلة اللاحقة).

وهيك بطاقتك جاهزة للاستخدام! اضغط على البطاقة داخل التطبيق لتقلبها واحصل على كل تفاصيلها لتستخدمها أونلاين. تذكر تغذي حسابك لتسددها!